Qyzylordada darııa qaýpi seıile qoıǵan joq
QYZYLORDA. QazAqparat - Qyzylordada Syrdarııa ózeni arqyly joǵarydan keletin sý mólsheri artqan jaǵdaıda qolǵa alynatyn is-qımyl algorıtmi jasalǵan. Ol ýaqytta sý alatyn kólder men kanaldar tolyq daıyn tur, dep habarlaıdy QazAqparat tilshisi.
Qyzylorda oblystyq jumyldyrý daıyndyǵy basqarmasy basshysynyń orynbasary Ǵabıt Jańabaevtyń aıtýynsha, Syr óńirindegi keıbir aýyldar darııaǵa óte jaqyn ornalasqan. Olardyń qatarynda Syrdarııa aýdanyndaǵy Tereńózek kenti men Qaljan ahýn aýyly, Jalaǵash aýdanyndaǵy Aqsý, M.Shámenov, Tań eldi mekenderi men Jalaǵash kenti bar. Byltyr jeltoqsan aıynda Syr óńirinde salqyn aýa raıy saqtalyp, darııa betinde qalyń muz ustasty.
«Bul byltyrǵy mólsherden 50 tekshemetrge az. Sondyqtan sý alyp ketedi, kóterilip ketedi deýge negiz joq. Bul - qystyń kúni bolatyn qalypty jaǵdaı», - dedi «Qazsýshar» RMK óndiristik ýcheske bastyǵy Jorabek Nurymbetov.
Qazirgi tańda Shardara sý qoımasynan tómengi bólikke sekýndyna 900 tekshe metr sý bosatylýda. Onyń ishinde 400-i Kóksaraı sý rettegishine jiberildi. Qazir oblys aýmaǵyna sekýndyna 553 tekshemetr sý kelýde.
Budan buryn Syrdarııa ózeniniń Qyzylordaǵa jaqyn tusynda muz júrgenin habarlandy .
Sondaı-aq, Qyzylorda tusynda Syrdarııa sýy bógetti buzyp ketti.
