Qyzylordada darııa aýmaǵynda belgisiz baǵytqa shyǵyp, qaıta oralmaǵan áıel izdestirilýde
QYZYLORDA. QazAqparat - Qyzylorda oblysynda bir kúnnen beri Syrdarııa ózeni aýmaǵynda belgisiz baǵytqa shyǵyp, qaıta oralmaǵan 45 jastaǵy azamat izdestirilýde, dep habarlaıdy QazAqparat tilshisi.
Qarmaqshy aýdanynyń ortalyǵy Josaly kentinde 15 tamyzda saǵat 07.00 shamasynda 45 jastaǵy áıel Syrdarııa aýmaǵynda belgisiz baǵytqa shyǵyp, qaıta oralmaǵan.
«Oqıǵa ornynda Órt sóndirý qyzmetiniń jedel qutqarý jasaǵynan 4 qutqarýshy 1 tehnıka jáne 1 qaıyq kúshimen izdestirý jumystaryn júrgizdi. Іzdestirý 19.30 shamasynda ýaqytsha toqtatyldy. Shara nátıje bergen joq. Bul jumystar búgin, 16 tamyzda qaıta jalǵasady», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada Syrdarııa jaǵalaýyna jete almaı qalǵan jasóspirim qutqaryldy.
