Qyzylordada dárigerler telefon jutyp qoıǵan er adamdy qutqaryp qaldy
QYZYLORDA. QazAqparat - Qyzylordalyq dárigerler telefon jutyp qoıǵan er adamdy qutqaryp qaldy. Bul jóninde oblystyq densaýlyq saqtaý basqarmasynyń baspasóz qyzmeti málim etti, dep habarlaıdy QazAqparat tilshisi.
Vedomstvo málimetinshe, oblystyq kópsalaly aýrýhanaǵa ishki júıeleri aýyrsynǵan er adam kelgen. Naýqas dárigerlerge birneshe saǵat buryn uıaly telefon jutyp qoıǵanyn aıtqan.
Aýrýhana mamandary atalǵan adamnyń ishki júıesin rentgen apparatyna túsirip, shuǵyl zertteý jumystaryn júrgizdi. Nátıjesinde onda uıaly telefon jáne tyrnaq sekildi bóten zattardyń bar ekeni anyqtaldy.
«Telefonda ornalasqan batereıa adam aǵzasyna zııan tıgizýi múmkin. Mamandar keńesinen keıin endoskoptyń kómegimen atalǵan zattar sátti shyǵaryldy. Endoskopııa - bul aspaptyq dıagnostıkanyń zamanaýı joǵary aqparattyq ádisi. Ol skalpelge júginbeı, qýys múshelerdiń ishine qaraýǵa múmkindik beredi. Bul manıpýlıatsııany endoskopıst Aıbek Aqbaev joǵary deńgeıde atqaryp shyqty», - dep málim etti Qyzylorda oblystyq densaýlyq saqtaý basqarmasynan.
