Qyzylordada dári-dármek tapshylyǵy máselesi sheshilýde

QYZYLORDA. QazAqparat - Qyzylorda qalasynda dári-dármek tapshylyǵynyń aldyn alý maqsatynda tıisti sharalar qabyldanýda, dep habarlaıdy QazAqparat tilshisi.

Oblys ortalyǵynda dári tapshylyǵyn boldyrmaý úshin qala ákimdigi jáne tıisti mekemeler arasynda kelisim jasalǵan. Osynyń negizinde suranys bildirgen 30 dárihanaǵa aptasyna 3 márte farmatsevtıkalyq ónimder jetkiziledi. Qajetti dáriler tizimine eıfýlın, deksametazon, leovıt, S vıtamıni, glıýkoza, tsefazalın syndy dáriler engizilgen. Olardyń qatarynda basqa da dene qyzýyn túsiretin dárilik preparattar bar.

«Oblys ortalyǵyndaǵy dári tapshylyǵyn joıý maqsatynda kúndelikti monıtorıng júrgizilýde. Sol arqyly árbir dárihanaǵa qandaı qajettilik bar ekenin naqtylanady. Nátıjesinde olarǵa tıisti dári-dármekter jetkiziledi. Aldaǵy ýaqytta da qala aýmaǵyndaǵy dárihana qyzmetine monıtorıng jalǵasatyn bolady», - dep málim etti qala ákimdiginen.

Osy maqsatta búgin Qyzylordaǵa Shymkent qalasynan 100 myńǵa jýyq dári-dármek jetkizildi. Ol qala ákimdiginiń Shymkent jáne Almaty qalalaryndaǵy dári-dármek óndirýshi kásipkerlermen qajetti ónimderdi alý jónindegi jasaǵan kelisimi negizinde júzege asyrylyp otyr.

Sondaı-aq, Qyzylorda oblysyndaǵy statsıonarlarda oryn tapshylyǵy joq.