Qyzylordada dalada batpaqqa batqan metereologtar qutqaryldy
QYZYLORDA. QazAqparat-Qyzylorda oblystyq tótenshe jaǵdaı qyzmetkerleri batpaqqa batyp, jolǵa shyǵa almaı qalǵan «Qazgıdromet» qyzmetkerlerin qutqardy, dep habarlady QazAqparat tilshisi oblystyq TJD silteme jasap.
Tótenshe jaǵdaılar salasy qyzmetkerleriniń habarlaýynsha, Qyzylorda oblysy TJD kezekshisinen, «Qyzylorda-Pavlodar-Ýspenka-RF» tasjolynyń 94 shaqyrymy belgisinen ońǵa qaraı «Zlıha» gıdrometeobeketi mańynda 3 adam «ÝAZ» avtokóligimen batpaqqa batyp, shyǵalmaı qalǵany jóninde habarlama túsedi. Habarlama boıynsha, «Qazgıdromet» RMK Qyzylorda oblysy boıynsha fılıalynyń bir qyzmetkerimen birge jasaqtan 3 qutqarýshy jol talǵamaıtyn «Kamaz» avtokóligimen shyqty.
Qutqarýshylar «Qyzylorda-Pavlodar-Ýspenka-RF» tasjolynyń 94 shaqyrymy belgisinen ońǵa qaraı, «Zlıha» meteobeketine qaraı burylyp, jolsyz jermen 110 shaqyrym júrgennen keıin, dalada batpaqqa batyp turǵan «Qazgıdromet» RMK Qyzylorda oblysy boıynsha fılıalynyń «ÝAZ» markaly m/b kz 653 AN 11 avtokóligin tapty.
Jaǵdaıdy surastyryp anyqtaǵannan keıin, qutqarýshylar «ÝAZ» avtokóligin tirkemege alyp, batpaqtan qurǵaq jerge tartyp shyǵardy. Sodan keıin, ilesip júrip «Qazgıdromet» RMK Qyzylorda oblysy boıynsha fılıalynyń qyzmetkerleri A. Abdýramanovty Q. Shadenovty jáne A. Bedendi «ÝAZ» avtokóligimen Qyzylorda qalasyna jetkizdi.
