Qyzylordada dala órtinen 700-ge jýyq qoı qyryldy

«2020 jyly 21 qazanda saǵat 18.50-de Qyzylorda oblysy Jańaqorǵan aýdany Aqqorǵan aýyldyq okrýginiń Túgisken aýylynda shamamen 30 gektar bolatyn shabylǵan kúrish alqabynda qurǵaq saban órtengen. Órt sol kúni saǵat 21.48-de tolyq sóndirildi. Órtti sóndirýge TJD men eriktilerden quralǵan 19 adam men 5 tehnıka jumyldyryldy», - dep málimdedi QR TJM resmı ókili Talǵat Ýálı.

Aldyn ala boljam boıynsha órt saldarynan jeke sharýa qojalyǵyna tıesili jaıylyp júrgen 700-ge jýyq qoı órtenip ketken. Odan bólek, kúıip qalǵan usaq mal bar. Olardyń naqty sany anyqtalýda. Oqıǵa ornynda arnaıy qurylǵan komıssııa jumys istep jatyr.