Qyzylordada tsement zaýytynyń qurylysy qarqyndy júrýde
Indýstrııalyq-ınnovatsııalyq damý memlekettik baǵdarlamasynyń ekinshi besjyldyǵynda júzege asyrylyp jatqan mańyzdy jobalardyń biri Shıeli aýdanyndaǵy «Gejýba Shıeli Tsement» JShS-niń jylyna bir mıllıon tonna óndiretin tompanajdy tsement shyǵaratyn zaýyt qurylysy.
Elimizde ǵana emes, jalpy Orta Azııa kóleminde alǵashqy bolyp qurylysy bastalǵan zaýytty «Danake» korporatsııasy men Qytaı memleketiniń «Gejýba grýpp tsement» kompanııasy birlesip, bıylǵy jyldyń sáýir aıynan bastap sala bastady. Jobanyń jalpy quny 64 mlrd teńgeni quraıdy. Bas merdiger «Chaına Trıýmf Interneshnl» kompanııasy. Bul kompanııa halyqaralyq kóshbasshy kompanııalar qataryna jatady. Sonymen birge álemdegi úzdik 50 ulttyq kásiporyn sapynda ózindik orny bar.
Shıeli aýdany ákimdigi eki memleket arasyndaǵy kelisimge saı zaýyt qurylysyna ındýstrıaldy aımaqtan 50 gektar jer bóldi. Búgingi kúni onyń 4 gektaryna qyzmetkerlerge arnalǵan jataqhana jáne basqa da áleýmettik qurylystar boı kóterip úlgirdi. Zaýyt qurylys 2019 jyly iske qosylady dep josparlanǵan.
Aıta keteıik, Memleket basshysynyń Ult jospary - Memleket bes ınstıtýtsıonaldyq reformany júzege asyrý jónindegi 100 naqty qadamyń 55-56 qadamdarynda transulttyq kompanııalar qyzmetin aıryqsha atap ótken bolatyn. Onda Qazaqstannyń álemdik naryqqa shyǵý jáne eksport taýarlary úshin óńdeý ónerkásibine eń keminde 10 transulttyq kompanııa tartý kerek delingen. Sonymen birge ekonomıkanyń basym sektorlarynda «zákirlik ınvestorlarmen» - halyqaralyq strategııalyq seriktestermen («Eır Astana», «Teńiz-Shevroıl», QTJ lokomotıvterin shyǵarý jónindegi zaýyt úlgisi boıynsha) birlesken kásiporyndar qurý jáne shetelderden joǵary bilikti mamandar tartý aıtylǵan edi.
