Qyzylordada byltyr zańsyz aınalymnan 118 keli esirtki tárkilendi
Oblysta ótken jyly esirtkiniń zańsyz aınalymyna qatysty sotqa deıingi tergep-tekserýdiń birynǵaı tizilimine 212 qylmystyq quqyq buzýshylyq tirkelgen. Onyń 28-i esirtki zatyn satý, 19-y esirtki zatyn asa iri mólsherde saqtaý, 43-i sora ósimdigin egý, 6-y esirtkini jarnamalaýǵa qatysty. Sondaı-aq, QR Qylmystyq kodeksiniń 296-babyn boıynsha qylmystyq teris qylyqtyń 116 deregi anyqtalǵan. Onda esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý jaǵdaıy kórsetilgen.
«Jyl boıy zańsyz aınalymnan barlyǵy 118 kelige jýyq esirtki zaty alyndy. Onyń 7 kgeli 307 gramy gashısh bolsa, 1 kelisi sıntetıkalyq zattar, qalǵany - sora ósimdigi. Nashaqorlyq pen esirtki qylmystarynyń aldyn alý maqsatynda departamenttiń Esirtki qylmysyna qarsy is-qımyl basqarmasy aldyn alý jumystaryn júzege asyryp keledi. Bul baǵytta 362 profılaktıkalyq is-sharalar ótkizildi», - dep atap ótti Qyzylorda oblystyq polıtsııa departamentinen.
Eske salsaq, budan buryn Aralǵa balyq aýlaýǵa shyǵyp joǵalyp ketken 2 adam tabyldy.
