Qyzylordada buqaralyq aqparat quraldary shaǵyn fýtboldan jarysty
QYZYLORDA. 10 sáýir. QazAqparat - Qyzylordadaǵy «Eýrazııa» sport kesheninde jýyrda jasy júzge tolǵan soǵys jáne eńbek ardageri Súleımen Seıitovtiń qurmetine shaǵyn fýtboldan týrnır ótkizildi.
Týrnırge qaladaǵy buqaralyq aqparat quraldary ókilderinen quralǵan alty komanda qatysty. Osylaısha oblystyq «Lenın joly» («Syr boıy») gazetin 1949-1951 jyldary basqarǵan jýrnalıstıka ardagerine óz izbasarlary qurmet kórsetti. Týrnırdiń qorytyndysynda birinshi oryndy «Syr túlegi» gazetiniń fýtbolshylary jeńip aldy. Sonymen birge jekelegen oıynshylarǵa arnaıy nomınatsııalar boıynsha júldeler tapsyryldy. Týrnırde úshtiktiń sapynan kóringen komandalar syı sııapatqa ıe boldy.
