Qyzylordada búginnen bastap balabaqshalar jumysyn jalǵastyrady

QYZYLORDA. QazAqparat - Qyzylorda oblysynda 13 qańtardan bastap 668 mektepke deıingi bilim berý uıymy men mektep janyndaǵy 81 shaǵyn ortalyqtardyń jumysy qaıta jandandy, dep habarlaıdy QazAqparat tilshisi.

Elimizde tótenshe jaǵdaı engizilýine baılanysty óńirdegi barlyq mektepke deıingi bilim berý uıymdarynda saqtyq jáne qaýipsizdik sharalary qatań saqtalady.

Oblysta tótenshe jaǵdaı engizilýine baılanysty barlyq balabaqshalar ýaqytsha óz jumysyn toqtatqan bolatyn.

«Aıta keteıik, ustazdar erteńgi kúnnen bastap shtattyq rejımde jumysqa qosylady. Al, QR Bilim jáne ǵylym mınıstrliginiń buıryǵymen mektepter 17 qańtardan bastap iske qosylsa, kolledjder men joǵary oqý oryndarynyń stýdentterine akademııalyq kúntizbege qaraı 24 qańtarda sabaq bastalady», - dep málim etti Qyzylorda oblystyq bilim basqarmasynan.

Eske salsaq, Qyzylordada Halyqqa qyzmet kórsetý ortalyqtary qalypty jumys rejımine kóshti