Qyzylordada búgin shańyraq kótergen jas jubaılar daýys berdi
Qyzylorda qalasynda turatyn Álibaı Sapar men Áıgerim Shahmardanova búgin shańyraq kóterdi. Ózderiniń ómirindegi eleýli kúnniń elimiz úshin mańyzdy saıası sharamen tuspa-tus kelgenin olar jaqsylyqqa balaıdy.
«Biz otbasylyq ómirge endi qadam basyp jatqan jastarmyz. Elimizde bolyp jatqan referendýmnan qalyp qalmaý maqsatynda búgin daýys berý ýchaskesine arnaıy keldik», - dedi Álibaı Sapar.
Ol oblys ortalyǵyndaǵy №101 mektepte dene shynyqtyrý páninen ustazdyq etse, Áıgerim Shahmardanova atalǵan bilim ordasynda aǵylshyn páninen bilim beredi.
Eske salsaq, budan buryn Qyzylordada 101 jastaǵy maıdanger alǵashqy bolyp daýys berdi.
Al, búgin 18 jasqa tolǵan qyzylordalyq daýys berýge alǵash qatysty.
Sondaı-aq, Qyzylordada shekara beketindegi áskerı mamandar tolyqtaı daýys berdi.
