Qyzylordada bý qazandyǵy jaryldy, bir adam mert boldy, ekinshisi aýrýhanaǵa jetkizildi
ASTANA. 12 aqpan. QazAqparat - Keshe saǵat 16.27-de Qyzylorda qalasynda «Kvant» qonaqúıiniń bý qazandyǵy jaryldy. Órt bolǵan joq.
Sonyń saldarynan 55 jastaǵy er adam oqıǵa ornynda mert boldy, 40 jastaǵy ekinshi adam aýrýhanaǵa jetkizildi. Tótenshe jaǵdaıdy joıýǵa Qyzylorda oblysy boıynsha TJD órtke qarsy qyzmetiniń 14 adamy men 4 tehnıkasy, QR TJM «Shuǵyl qutqarý qyzmeti» MM-niń 5 adamy men 1 tehnıkasy, «QazTransGazAımaq» AQ-nyń 2 adamy men 1 tehnıkasy jumyldyryldy.
