Qyzylordada bóten bireýdiń atyna onlaın nesıe rásimdegen 64 alaıaq ustaldy

QYZYLORDA. QazAqparat - Qyzylorda oblysynda jyl basynan beri ózge adamnyń telefonyndaǵy bank qosymshasynan onlaın nesıe rásimdegen 64 alaıaq ustaldy, dep habarlaıdy QazAqparat tilshisi.

Qyzylorda oblystyq Polıtsııa departamentiniń málimetterine qaraǵanda, alaıaqtar bóten bireýdiń jeke derekterin telefon arqyly bilip alady, sodan soń olardyń atyna nesıe rásimdeıdi.

«Alaıaqtar smartfon arqyly ózge bireýdiń bank qosymshasyna kiredi. Olardyń arasynda tipti elektrondy tsıfrly qoltańbany buza alatyndary kezdesedi. Bıylǵy jyldyń 3 aıynda oblys boıynsha 64 azamat osyndaı alaıaqqa aldanǵan», - dep málim etti Qyzylorda oblystyq polıtsııa departamentinen.

Vedomstvo málimetine qaraǵanda, osyndaı oqıǵanyń biri Jalaǵash aýdanynda tirkeldi. Onda jergilikti turǵyn tanysynyń uıaly telefonyn surap alyp, 495 myń teńge onlaın nesıe rásimdegen. Bul áreket boıynsha QR Qylmystyq kodeksiniń 190-babynyń 2-bóligi 4-tarmaǵy negizinde sotqa deıingi tergep-tekserý áreketteri júrip jatyr.

Eske salsaq, Qyzylorda oblysynda alaıaqtyq qylmysy 54,4 paıyzǵa azaıdy.