Qyzylordada bótelkelesin pyshaqtap óltirgen áıel 10 jylǵa sottaldy
QYZYLORDA. QazAqparat - Qyzylorda oblysynyń qylmystyq ister jónindegi mamandandyrylǵan aýdanaralyq sotynda QR Qylmystyq Kodeksiniń 99-baby 1-bóligimen aıyptalǵan 44 jastaǵy A-ǵa qatysty aıyptaý úkimi jarııalandy. Bul týraly QazAqparat HAA tilshisi oblystyq sotqa silteme jasap habarlady.
Ótken jylǵy 2 qyrkúıekte sottalýshy ortaq tanystarymen spırttik ishimdik ishedi. Shaǵyn otyrystyń sońy keriske ulasyp, ol óziniń tanysy Ý-men urysyp qalady. Araqtan kózi tumandanǵan áıel qolyna ilikken pyshaqty tanysyna birneshe márte suǵyp alypty. Osy jaraqattar saldarynan jábirlenýshi esin jımastan oqıǵa ornynda qaıtys bolǵan.
Qyzylorda oblysynyń qylmystyq ister jónindegi mamandandyrylǵan aýdanaralyq sotynyń úkimimen sottalýshy A. QR QK-niń 99-babynyń 1-bóligimen kináli dep tanylyp, 10 jylǵa bas bostandyǵynan aıyryldy. Jazasyn jalpy rejımdegi túzeý kolonııasynda óteýi belgilendi.
Úkim zańdy kúshine engen joq.
