Qyzylordada «Boryshker» jedel is-sharasynyń eki kúninde 4 mln. teńge aıyppul óndirildi
QYZYLORDA. QazAqparat - Salynǵan ákimshilik aıyppuldardy óndirý jumystaryn jaqsartý, aıyppul tóleýden jaltaryp júrgen azamattarǵa tıisti shara qoldana otyryp memleket bıýdjetine qarjy óndirýdi joǵarylatý maqsatynda 2017 jyldyń 29 naýryzynan bastap oblys kóleminde «Boryshker» jedel-profılaktıkalyq is-sharasy ótip jatyr jáne ol sáýirdiń 30-na deıi jalǵasady. Bul týraly QazAqparat HAA tilshisi oblystyq ІІD silteme jasap habarlady.
Atalǵan is-sharaǵa ákimshilik polıtsııa basqarmasynyń qyzmetkerlerimen qatar, Jergilikti polıtsııa jáne óńirlik jeke sot oryndaýshylary jumyldyryldy.
Atalǵan is-sharada qala boıynsha 5 utqyr top qurylyp, barlyǵy 10 polıtsııa qyzmetkeri men óńirlik sot oryndaýshylarynan kezekshilik kestesi quryldy. Birlesken is-sharalar aıasynda aıyppul tóleýden jaltaryp júrgen boryshkerlerdiń avtokólikterin avtoturaqqa qamaý jáne memlekettik belgilerin alý júzege jumystary asyrylýda.
Qazirgi tańda, atalǵan is-shara bastalǵaly beri sot oryndaýshylardyń qaýlysy negizinde barlyǵy 11 mln. teńgeni quraıtyn 258 memlekettik belgi alynyp, 198 avtokólik aıyp alańyna jetkizildi, 4 mln. teńge aıyppul óndirildi.
Qala ortalyǵyndaǵy 14 ýchaskelik aýmaqtaǵy ýchaskelik polıtsııa ınspektorlary boryshkerlerdiń meken-jaılaryn aralap, salynǵan ákimshilik aıyppuldardy der kezinde óteý qajettigi jóninde turǵyndarǵa túsinikteme jumystaryn júrgizdi. Sonymen qatar, aıyppuldardy óndirý jóninde sms-habarlamalar taratylýda.
