Qyzylordada bıylǵy oqý jylynda 305 synyp karantınge jabyldy
Qyzylorda oblysynda epıdemıologııalyq jaǵdaı turaqtalyp, aýrýshańdyq azaıdy. Máselen ótken táýlikte 1 jaǵdaı anyqtaldy. Oblys boıynsha ınfektsııalyq statsıonarda 67 naýqas em qabyldaýda. Al reanımatsııalyq tósek-orynda 11 naýqas emdelýde.
«Oblysta vaktsınatsııalaý jumystary ótken jyldyń 1 aqpan kúni bastaldy. Qazirgi tańda oblys azamattaryn vaktsınatsııalaý jumystary jalǵasyn tabýda. Qazir óńirde vaktsınatsııan 1 komponentimen egilgender sany - 423 544, halyqtyń qamtylýy - 93,6 paıyz. Eki komponentti tolyq qabyldaǵandar sany - 412 739 adam (91,2 paıyz)», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.
Oblysta 22 medıtsınalyq mekemede koronavırýs ınfektsııasyna qarsy egý jumystary júrgizilýde. Bul oryndar saǵat 09.00 men 18.00 aralyǵynda úzilissiz jumys isteıdi.
«Aýrýlardy medıtsınalyq baqylaýǵa alý merzimi 14 kúnnen 10 kúnge azaıǵan. Osyǵan baılanysty sońǵy 10 kúndegi aýrýshańdyq kórsetkishi 21,8 % qurap, aldyńǵy 10 kúnmen salystyrǵanda aýrýshańdyq 4 esege tómendep otyr», - dedi oblystyq sanıtarlyq-epıdemıologııalyq baqylaý departamentiniń bólim basshysy Álııa Ydyrysova.
Aıta ketý kerek, bıylǵy oqý jylynda oblysta 726 mektep oqýshysy koronavırýs juqtyrdy. Karantınge jabylǵan synyptar sany - 305.
Eske salsaq, Qyzylordada 423 myńnan astam adam vaktsına saldyrdy.