Qyzylordada bıyl týberkýlezge shaldyǵý kórsetkishi 18%-ǵa ósken

QYZYLORDA. QazAqparat - Qyzylordada bıyl týberkýlezge shaldyǵý kórsetkishi ótken jyldan 18%-ǵa óskeni baıqaldy, dep habarlaıdy QazAqparat tilshisi.

Bıylǵy jyldyń 6 aıynda oblysta 222 týberkýlezge shaldyǵý jaǵdaıy tirkeldi. Syrqattanýshylyq kórsetkishi ótken jyldyń uqsas kezeńimen salystyrǵanda 18%-ǵa ósken.

«Naýqastardyń 5%-i 14 jasqa deıingi balalar qurasa, 5,1% jasóspirimder úlesine tıedi. Ótken jyldyń uqsas kezeńimen salystyrǵanda 14 jasqa deıingi balalar arasynda aýrýshańdyq 6, jasóspirimder arasynda 2 jaǵdaıǵa tómendegen», - dep málim etti Qyzylorda oblysy sanıtarlyq-epıdemıologııalyq baqylaý departamentinen.

Naýqastardyń 68-i 18-64 jas aralyǵyndaǵy áleýmettik belsendi turǵyndar arasynan anyqtaldy.

Olardyń kásibı quramyna nazar aýdarsaq, 39%-i jumyssyz, 25%-i zeınetker, 6%-i mektep oqýshysy, 4%-i stýdent, 3%-i medıtsına qyzmetkeri, 3%-i bilim berý mekemeleriniń qyzmetkerleri. Qalǵany basqa kontıngentter arasynda tirkelgen.

Eske salsaq, budan buryn Qyzylordada et ónimderiniń jartylaı fabrıkattarynan ishek taıaqshalary bakterııasy anyqtaldy.