Qyzylordada bıyl óńirge 186 mlrd teńgeden astam ınvestıtsııa tartyldy
Bıyl óńirge 186 mlrd teńgeden astam ınvestıtsııa tartyldy. Bul ótken jylmen salystyrǵanda edáýir artyq.
Memleket basshysy 2025 jyly jalpy ishki óńirlik ónim kólemin 30 paıyzǵa jetkizý kerektigi týraly mindet júktegen bolatyn. Osy maqsatta Úkimet tarapynan óńirlerge arnaıy tapsyrmalar júktelgen edi.
«Oblysta óńdeý ónerkásibi salasynda 40-qa jýyq eksporttaýshy kásiporyn qyzmet atqarady. Bıyl óńirge Lıtva Respýblıkasynyń Elshiligi delegatsııasy, mamyrda aıynda Ózbekstan Respýblıkasynyń Bas konsýly, qyrkúıekte Koreıa Respýblıkasynyń Bas konsýlynyń is sapary uıymdastyryldy. Sondaı-aq, Qyzylorda qalasy jáne Frantsııa Respýblıkasynyń Nojan-sıýr-Marn qalasy arasynda baýyrlastyq baılanystar ornatý týraly kelisimge qol qoıyldy. Bul Qazaqstan men Frantsııa arasynda saıası jáne mádenı salasyndaǵy yntymaqtastyq pen tarıhı baılanystardyń aıqyn kórsetkishi», - dedi oblystyq ındýstrııalyq-ınnovatsııalyq damý basqarmasy basshysynyń orynbasary Janar Berdenova.
Onyń aıtýynsha, aldaǵy ýaqytta Koreıa Respýblıkasynyń Chollabýk-do provıntsııasymen memorandým jasaqtaý kózdelýde. Bul provıntsııanyń ekonomıkalyq damý sıpaty bizdiń óńirge uqsas.
Eske salsaq, Qyzylordada belsendi halyqtyń úshten biri kásipkerlikpen aınalysýda.
