Qyzylordada bıyl kópqabatty úıden bes bala qulap ketken
QYZYLORDA. QazAqparat - Qyzylorda oblysynda jyl basynan beri 5 balanyń kópqabatty úıdiń terezesi men balkonynan qulap ketý jaǵdaıy tirkelgen, dep habarlaıdy QazAqparat tilshisi.
Óńirde bıyl kópqabatty úılerdiń terezesi jáne balkonynan qulap ketý jaǵdaılary kóbeıýde. Oǵan aýa raıynyń jylynýy men balalardyń ata-anasynyń qaraýynsyz qalýy basty sebep bolyp otyr.
Osyndaı jaǵdaıǵa baılanysty bıylǵy jyldyń bes aıynda oblysta 5 bala sondaı tótenshe jaǵdaıǵa dýshar boldy.
Eske salsaq, mamyr aıynyń alǵashqy onkúndiginde Qyzylordada bir jastaǵy sábı kópqabatty úıdiń úshinshi qabatyndaǵy páter terezesinen qulap ketti. Dál osyǵan uqsas jaǵdaı sáýir aıynda Shıeli aýdanynda tirkelip, 3 jastaǵy ul bala úshinshi qabattan qulap túsken.
«Aıta keterligi, sońǵy tórt jylda osyndaı oqıǵalar saldarynan 2 bala qaza taýyp, 20 bala túrli dene jaraqatyn alǵan. Atap aıtqanda, 2018 jyly - 4, 2019 jyly - 7, 2020 jyly - 6, bıyl - 5 bala osyndaı oqys jaǵdaıǵa ushyrady. Jazataıym oqıǵalardyń aldyn alý maqsatynda ata-analarǵa jáne kóp qabatty nysandardyń basshylaryna usynys aıtamyz. Máselen, moskıt torlaryn berik bekitý, balalardy baqylaýsyz qaldyrmaý, ashylatyn terezege blakıratorlar qoıý sekildi jaǵdaılarǵa nazar aýdarýyn suraımyz. Balalardyń tereze aldynda oınaýyna jol bermeý qajet. Aýdan turǵyndaryn. Barlyq qaýipsizdik erejesi talabyn saqtap, balalardyń qaýipsizdigin qamtamasyz etýge shaqyramyz», - ddep málim etti Qyzylorda oblystyq tótenshe jaǵdaılar departamentinen.
