Qyzylordada bıyl 6 jańa mektep paıdalanýǵa beriledi
QYZYLORDA. QazAqparat - Qyzylorda oblysynda bıyl 6 jańa mektep paıdalanýǵa beriledi, dep habarlaıdy QazAqparat tilshisi.
Onyń 4-i memlekettik, 2-i jekemenshik bolyp otyr. Olardyń 3-i jańa oqý jylynda óz jumysyn basatasa, 3-iniń qurylysy jyl sońyna deıin aıaqtalady dep josparlanyp otyr. Jańa oqý jylynda Aral aýdany, Sekseýil kentindegi 300 oryndyq mektep el ıgiligine beriledi. Qalǵan 2-i jeke bilim oshaqtary.
Aıta keteıik, aldaǵy oqý jylynda aımaqta 173 796 oqýshy bilim alady. Onyń ishinde 1 synypqa qabyldanǵan bala sany - 17 746.
1 qyrkúıekte mektep tabaldyryǵyn alǵash attaǵan búldirshinderge «Álippe» saltanatty túrde tabystalady.
1 synyp oqýshylarynyń oqýlyqtary tolyǵymen jańartylǵan. Respýblıkalyq bıýdjetten bólingen 1,1 mlrd teńgege jańa oqýlyqtar alynyp, búginde barlyq oqýshylarǵa túgelimen taratyldy. Mektep formasyna qoıylar talap ta qatań bolmaıdy. Bilim alýshylar úshin mektep formasymen qatar klassıkalyq úlgidegi kıimderdi kııýge ruqsat etiledi.
«Oblys boıynsha 12 940 balaǵa tegin mektep formasy, aıaq kıim jáne oqýǵa qajetti qural-jabdyqtar berilmek. Ol úshin arnaıy 5 kategorııa túzilip, járdemdi qajet etetin otbasylar tizimi jasaqtaldy. Osy tizimge engen árbir ata-ana basqarma tarapynan kelisilgen tigin sheberhanalaryna baryp, balalaryn kıindire alady. Aıta ketý kerek, ata-analardyń esepshotyna eshqandaı qarjy aýdarylmaıdy. Zań aıasynda tótenshe jaǵdaı saldarynan shuǵyl járdemdi qajet etetin otbasylarǵa ǵana aqshalaı kómek beriledi», - dedi oblystyq bilim basqarmasynyń basshysy Aqzıra Qasymova.
Eske salsaq, Qyzylordada shyny zaýyty bıyl iske qosylady.
