Qyzylordada bıyl 6 tarıhı shaharda qazba jumystary júrgiziledi

QYZYLORDA. QazAqparat - Bıyl oblysta 6 tarıhı shaharǵa arheologııalyq qazba jumystary júrgiziledi, dep habarlady QazAqparat tilshisi.

Ejelgi Bábish mola, ortaǵasyrlyq Jankent, Sortóbe jáne Altyn Orda dáýirine jatqyzylǵan Syǵanaq, Qyshqala qalashyqtarynda qazba jumystary bastaldy.

«Sonymen qatar, tamyz aıynda Asanas qalashyǵynda da qazba jumysyn júrgizý josparlanyp otyr. Munan ózge, «Arheologııalyq jumysty júzege asyrý qaǵıdalary men sharttary» bekitilip, arheologııalyq zertteýge baqylaý sharalary men talaptary kúsheıtildi», - deıdi Qyzylorda oblysynyń mádenıet, arhıvter jáne qujattama basqarmasynyń basshysy Mıra Abýova.

Aıta keteıik, óńirde 545 tarıh jáne mádenıet eskertkishi esepke alynsa, onyń 134-i - arheologııalyq eskertkish. Qazir arheologııalyq jumystardyń zertteý aýqymy keńeıip, qazba júrip jatyr.

Osy kezge deıin tabylǵan 6486 eksponat mýzeı qorynda saqtaýly. Bul jumystar aldaǵy ýaqytta tarıhı nysandardy ashyq aspan astyndaǵy mýzeıge jáne týrısttik ortalyqqa aınaldyrýda úlken septigin tıgizedi.

Sondaı-aq, Qyzylorda oblysynda geoarheologııalyq zertteý júrgiziledi.