Qyzylordada bıyl 157 adam úıde oqshaýlaný tártibin buzǵany anyqtaldy
Óńirde 3 972 nysan «Ashyq» júıesine qosylǵan. Basym kópshiligi -qoǵamdyq tamaqtaný nysandarynyń úlesinde.
Jyl basynan beri 157 tulǵa úıde oqshaýlaný tártibin saqtamaǵany anyqtaldy. Onyń 141-i «qyzyl», 16-y «sary» mártebege ıe. Elimizdiń Ákimshilik quqyq buzýshylyq týraly kodeksiniń 425-babyna sáıkes indetke shaldyqqandyǵyn bile tura, karantın talabyn buzǵan 11 adamǵa aıyppul salyndy. Olardyń jalpy kólemi 505 myńnan teńgeden asady. Al naýqastarmen qarym-qatynasta bolǵan 11 adamǵa oqshaýlaný tártibin saqtaý týraly qaýly shyǵaryldy.
«Karantın talabyn buzýshylyqtar qoǵamdyq tamaqtaný, saýda nysandarynda, sondaı-aq temirjol jáne áýejaı jolaýshylarynan kóptep anyqtalýda. Degenmen sońǵy ýaqytta indetke shaldyqqan naýqastar men olarmen baılanysta bolǵan adamdar arasynda oqshaýlaný tártibin buzý jaǵdaıy azaıýda», - dedi oblystyq oblystyq Sanıtarııalyq-epıdemıologııalyq baqylaý departamenti ınfektsııalyq jáne parazıttik aýrýlardy epıdemıologııalyq baqylaý bóliminiń basshysy Álııa Ydyrysova.
Eske salsaq, Qyzylorda oblysynda 94 myńnan astam adam revaktsınatsııadan ótti.
