Qyzylordada bıyl 12 jeke balabaqsha, 1 memlekettik balabaqsha ashylmaqshy
QYZYLORDA. 10 tamyz. QazAqparat - Qyzylorda qalasynda bıyl 12 jeke balabaqsha, 1 memlekettik balabaqsha ashylady dep josparlanýda. Bul týraly qaqalyq ishki saıasat bóliminen habarlady.
«Shanhaı» shaǵyn aýdanynda ornalasqan «Syr juldyzy» memlekettik bóbekjaı balabaqshasy 140 orynǵa arnalǵan. Oǵan bólingen 361 mıllıon 546 myń teńgeni quraıdy. Baqsha qyrkúıek aıynda beriledi. «Ippodrom» shaǵyn aýdanyndaǵy «Shómekeı Jas-Nur-2» jeke balabaqshasy 2 top 50 orynǵa arnalǵan. Al A. Pýshkın kóshesi №23 úıde ornalasqan «Tomırıs» jeke balabaqshasy 100 balany qamtıdy. Oǵan 9 mıllıon 457 myń teńge bólingen», - delingen habarlamada.
Qazirgi tańda «Balapan» baǵdarlamasy aıasynda Qyzylorda qalasynda 9881 balany qamtıtyn 99 mektepke deıingi bilim berý uıymdary jumys jasaıdy. Búginde balalardyń balabaqshamen qamtylýy 71 paıyzdy quraıdy. Bul - respýblıka boıynsha joǵarǵy kórsetkish. Olardyń 20-sy memlekettik balabaqsha bolsa, 41-i jeke balabaqsha, 31-i shaǵyn ortalyq, 7-i jeke shaǵyn ortalyq , 6-y sanatorlyq balabaqsha bolyp tabylady. Onyń 5-i qalada, 1-i Belkól kentinde ornalasqan.
Búginde kezekte turǵan 3 pen 6 jas aralyǵyndaǵy bala sany 10842 bolsa, 0-6 jas aralyǵyndaǵy kezekte turǵan bala sany 17990-dy qurap otyr.
