Qyzylordada bıyl 12 adam Kongo-qyrym qandy bezgegine shaldyqty
Oblysta jyl basynan beri kene shaqqan 1 023 adam medıtsınalyq kómekke júgingen. Bul azamattar 14 kún boıy medıtsınalyq baqylaýda boldy.
«Naýqas adamdardyń 6-aýy Janaqorǵan, 3-eýi Shıeli aýdandarynda turatyny anyqtalsa, Qarmaqshy, Syrdarııa men oblys ortalyǵynda ol 1 jaǵdaıdan tirkeldi. Aýrý oshaqtarynda epıdemıologııalyq-entomologııalyq zertteý júrgizilip, zalalsyzdandyrý jumystary jasaldy», - dep málim etti oblystyq sanıtarııalyq-epıdemıologııalyq baqylaý departamentinen.
Qyzylorda oblysy Kongo-Qyrym gemorragııalyq qyzbasynyń tabıǵı oshaǵynda ornalasqan. Bıyl atalǵan asa qaýipti aýrý boıynsha oblysta 106 eldi meken qolaısyz bolyp belgilendi. Osyǵan oraı kenege qarsy kóktemgi óńdeý jumystary josparly túrde 2 kezeńmen oblysymyzdyń barlyq aýdany men Qyzylorda qalasyndaǵy qolaısyz eldi mekenderde júrgizildi. Zalalsyzdandyrýdyń aldaǵy kezeńin 16 tamyzdan bastap júrgizý josparlanyp otyr.
Eske salsaq, bıyl Kongo-Qyrym qandy bezgeginen úsh adam kóz jumdy.