Qyzylordada bıyl 10 bala terezeden kulap ketken
Bıyl oblysta ata-anasynyń baqylaýynsyz qalýy saldarynan 10 bala terezeden kulap ketken. Oqys oqıǵanyń 1-ýi Jańaqorǵan aýdanynda tirkelse, qalǵany Qyzylorda qalasynda bolǵan.
«Oqıǵa saldarynan 2-6 jas aralyǵyndaǵy 9 bala zardap shegip, 1 bala qaza boldy. Olardyń terezeden qulaý deregi basty sebebi retinde ata-analardyń balalardy baqylaýsyz qaldyrýyn aıtýǵa bolady. Sondaı-aq, terezeniń ashyq qalýynan, moskıt torlarynyń berik bekitilmeýinen, balalardyń tereze aldynda oınaýynan osyndaı jaǵdaılar tirkeledi. Sondyqtan barlyq eresek azamattardan saqtyq sharalaryna basa nazar aýdarýyn suraımyz», - dedi Qyzylorda oblysy TJD Tótenshe jaǵdaılardyń aldyn alý bóliminiń bastyǵy azamattyq qorǵaý podpolkovnıgi Beıbithan Spanov.
Eske salsaq, Qyzylordada úsh jastaǵy sábı tórtinshi qabattan qulap ketti.
