Qyzylordada birneshe sekseýil kesken turǵyn jazaǵa tartyldy
QYZYLORDA. QazAqparat - Qyzylorda oblystyq polıtsııa departamentiniń tabıǵatty qorǵaý polıtsııa bóliminiń qyzmetkerleri qorshaǵan ortaǵa zııan keltirgen jergilikti turǵynǵa aıyppul saldy, dep habarlaıdy QazAqparat tilshisi.
Atalmysh azamat Syrdarııa aýdanyna qarasty Aıdarly aýdanynda turady. Ol tyıym salynǵan sekseýil aǵashtary men butalaryn óte úlken mólsherde kesip, óz úıiniń aýlasyna jınaǵan. Tekserý barysynda saqtalǵan sekseýildiń kólemi 7 sharshy metr ekeni anyqtaldy.
«Atalmysh derekke baılanysty Qazaqstan Respýblıkasy Qylmystyq kodeksiniń 340-babynyń 1-bóligimen sotqa deıingi tergep-tekserý amaldary júrgizildi. Ol Syrdarııa aýdandyq sotyna joldandy. Sot úkimimen ol qylmystyq teris qylyq jasaǵany úshin kináli dep tanyldy. Oǵan 25 aılyq eseptik kórsetkish mólsherinde aıyppul salyndy. Aıyppul kólemi 60 125 teńgeni quraıdy», - dep jazylǵan Qyzylorda oblystyq polıtsııa departamentiniń baspasóz qyzmeti taratqan habarlamada.
Aıta keterligi, Qazaqstan Respýblıkasy Aýyl sharýashylyǵy mınıstrligi Orman jáne ańshylyq sharýashylyǵy komıtetiniń 2015 jylǵy 13 tamyzdaǵy №211 Zańyna sáıkes ústimizdegi jyldyń sońyna deıin memlekettik orman qoryna jatatyn jerlerden sekseýil aǵashtaryn kesýge, joıýǵa nemese zaqymdaýǵa tyıym salynǵan.
