Qyzylordada birneshe páterdi tonaǵan kúdiktiler qolǵa tústi

QYZYLORDA. QazAqparat - Qyzylordada birneshe páter urlyǵyna qatysy bar degen kúdikpen eki adam ustaldy, dep habarlaıdy QazAqparat tilshisi.
None
None

Aral aýdanynyń 28 jáne 32 jastaǵy eki turǵyny Qyzylorda qalasyndaǵy úılerdiń birine úı ıeleriniń joqtyǵyn paıdalanyp plastık tereze arqyly kirgen. Atalmysh úıden baǵaly zattardy qoldy etip, oqıǵa ornynan boı tasalap ketken. Qyzylorda qalalyq Polıtsııa basqarmasy krımınaldyq polıtsııa bólimi qyzmetkerleri jedel áreket etti. Nátıjesinde Aral aýdanynyń 2 turǵyny qolǵa tústi.

«Tergeý barysynda kúdiktilerdiń oblys ortalyǵynyńda jasalǵan úsh qylmysqa qatysy bar ekendigi anyqtaldy. Zattaı dáleldeme retinde noýtbýk, uıaly telefon, altyn zergerlik buıymdar tárkilendi, ýaqytsha ustaý ızolıatoryna qamaqqa alyndy. Barlyq derekter boıynsha QR Qylmystyq Kodeksiniń 188-babynyń 3-bóligi (urlyq) boıynsha sotqa deıingi tergep-tekserý amaldary júrgizilýde», - dep málim etti Qyzylorda oblysy Polıtsııa departamentiniń baspasóz qyzmeti.



Сейчас читают