Qyzylordada birneshe páter tonaǵan jigit sottaldy
QYZYLORDA. QazAqparat - Qyzylorda oblysynda birneshe márte iri mólsherde páter urlyǵyn jasaǵan turǵyn bas bostandyǵynan aıyryldy, dep habarlaıdy QazAqparat tilshisi.
Oqıǵa Qazaly aýdanynda tirkelgen. Jergilikti turǵyn bıylǵy jyldyń maýsym aıynyń 11-30 kúnderi birneshe úıden dúnıe-múlik urlap ketken.
Osylaısha olarǵa iri mólsherde shyǵyn keltirgen.
Atalǵan derek boıynsha QR Qylmystyq Kodeksiniń 188-baby 3-bóliginiń 1,2,3-tarmaqtarymen sotqa deıingi tergep-tekserý júrgizildi.
Onda turǵyn úı-jaıǵa birneshe ret kirý arqyly bótenniń múlkin iri mólsherde jasyryn jymqyrý jaǵdaıy kórsetilgen.
«Sotqa deıingi tergep-tekserý barysynda dáleldemeler jınaqtalyp, sot saraptamasy júrgizildi. Osyǵan sáıkes Qazaly aýdandyq sotynyń úkimi negizinde 25 jastaǵy aıyptalýshyǵa 4 jyl 6 aı merzimge bas bostandyǵynan aıyrý jazasy taǵaıyndaldy» dep málim etti Qyzylorda oblystyq polıtsııa departamentiniń baspasóz qyzmetinen.
