Qyzylordada birneshe márte páter urlyǵyn jasaǵan turǵyndar ustaldy
QYZYLORDA. QazAqparat - Qyzylorda qalasynda birneshe márte páter urlyǵyn jasaǵan eki adam qolǵa tústi, dep habarlaıdy QazAqparat tilshisi.
Qyzylorda oblysynyń 30 jáne 34 jastaǵy eki turǵyny 11 páter urlyǵyn jasaǵan. Turǵyndarǵa alty mıllıonnan astam shyǵyn keltirgen. Qyzylorda qalasy Polıtsııa basqarmasy qyzmetkerleri bul maqsatta jedel-izdestirý sharalaryn júrgizdi.
«Nátıjesinde oblystyń 30 jáne 34 jastaǵy eki turǵyny tártip saqshylarynyń qolyna tústi. Olar keshki ýaqytta úı ıeleriniń joqtyǵyn paıdalanyp, plastık terezelerin syndyryp ishke kirgen. Úılerden aqsha, zergerlik buıymdardy jáne myltyqty qoldy etken. Olardyń qazan aıynan bastap birneshe ret urlyqqa túskeni anyqtaldy. Kúdiktiler ýaqytsha ustaý ızolıatoryna qamaqqa alyndy. Qazirgi ýaqytta QR Qylmystyq kodeksiniń 188-baby 3-bóliginiń 1,2,3-tarmaqtarymen jáne 291-baby 3-bóliginiń 4-tarmaǵymen sotqa deıingi tergep-tekserý jumystary júrgizilýde», - dep málim etti Qyzylorda oblystyq polıtsııa departamentiniń baspsóz qyzmeti.
Vedomstvo málimetinshe, bıylǵy aqpan aıynda qylmystyq zańnamaǵa ózgerister engizilgen. Soǵan sáıkes birneshe ret jasalǵan urlyq aýyr qylmys sanatyna jatqyzylady. Endi taraptardyń tatýlasýyna baılanysty qylmystyq is toqtatylmaıdy. Ondaı qylmys jasaǵandar 12 jylǵa deıin bas bostandyǵynan aıyrý kózdelgen.
Budan buryn Baıqońyrda ǵarysh aılaǵy alańynan mys ónimderin urlaǵandar ustaldy.
