Qyzylordada birneshe márte páter tonaǵan ury ustaldy

QYZYLORDA. QazAqparat - Qyzylorda qalasynda birneshe márte páter urlyǵyn jasaǵan 34 jastaǵy azamat qolǵa tústi, dep habarlaıdy QazAqparat tilshisi.

Ol bir aıdyń ishinde birneshe márte páter tanaǵan. Buryn da sotty bolǵan kúdikti úı ıeleri bolmaǵan ýaqytta olardyń aýlalarynan baǵaly zattar men velosıpedti qoldy etken. Tekserý barysynda kúdiktiniń oblys ortalyǵynda jasalǵan taǵy da alty qylmysqa qatysy bar ekeni anyqtaldy. Oǵan baılanysty aıǵaq hattar tárkilendi.

«Qazirgi ýaqytta kúdikti ýaqytsha ustaý ızolıatoryna qamaqqa alyndy. Barlyq derekter boıynsha QR Qylmystyq kodeksiniń 188-babynyń 2-bóligi (urlyq) boıynsha sotqa deıingi tergep-tekserý amaldary júrgizilýde», - dep málim etti Qyzylorda oblystyq polıtsııa departamentiniń baspasóz qyzmeti.