Qyzylordada birneshe adamdy aldap ketken alaıaq sottaldy
QYZYLORDA. QazAqparat - Qyzylorda qalasynda jergilikti jurtqa jedel túrde úı alyp beremin degen ýáde bergen qyzylordalyq turǵyn sotty boldy, dep habarlaıdy QazAqparat tilshisi.
Ol jábirlenýshiler senimine ábden kirgen. Ózin jedel túrde úı alyp berýge kómektesetindigin aıtqan. Bul maqsatta kem degende 700 myń teńgeni alǵan. Jábirlenýshiler arasynda 3,5 mln teńgesin oǵan sanap bergender de kezdesedi. Olardyń bergen aqshasyn óziniń jeke maqsatyna jumsap jibergen.
«Sot úkimimen sottalýshy K. Qazaqstan Respýblıkasynyń Qylmystyq kodeksiniń 190-babynyń 3-bóliginiń 1-tarmaǵymen kináli dep tanyldy. Ony 3 jyl 6 aıǵa bas bostandyǵynan aıyrý jazasy taǵaıyndaldy», - dedi Qyzylorda qalasynyń №2 sotynyń sýdıasy Juldyz Jákeeva.
Sot tarapynan oǵan azamattyq talapty jábirlenýshilerge óz erkimen oryndaý úshin jaýapkerge bir aı merzim belgilengendigi eskertildi. Kórsetilgen merzim ótkennen keıin sot aktisi azamattyq talap bóliginde májbúrlep oryndalatyndyǵy aıtyldy.
