Qyzylordada bireýdiń aýlasyndaǵy turǵan kólikti urlaǵan adam qolǵa tústi
Atalmysh oqıǵa Qyzylorda qalasynda oryn alǵan. Jergilikti turǵyn óziniń aýlasynan sheteldik kóligi qoldy bolǵany jóninde polıtsııaǵa aryzdanǵan edi. Tún ishinde belgisiz bireý kólikti aıdap alyp ketken.
Polıtsııa qyzmetkerleri jedel-izdestirý jumystaryn júrgizdi. Nátıjesinde kóp uzamaı kólik quralyn zańsyz ıemdený qylmysyn ashty. Kúdikti retinde Qazaly aýdanynyń 32 jastaǵy turǵyny ustaldy. Ol buryn sotty bolǵan.
«Oryn alǵan derek boıynsha QR Qylmystyq kodeksiniń 200-babynyń 1-bóligimen sotqa deıingi tergep-tekserý amaldary júrgizilýde. Onda avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý (aıdap ketý) jaǵdaıy kórsetilgen. Oqıǵanyń mán-jaılary anyqtalýda», - dep málim etti Qyzylorda oblystyq polıtsııa departamentiniń baspasóz qyzmetinen.