Qyzylordada bir jasar sábı aryqtaǵy sýǵa batyp ketti

QYZYLORDA. QazAqparat - Qyzylorda oblysynda bir jastaǵy qyz bala aryqtaǵy sýǵa qulap qaza boldy, dep habarlaıdy QazAqparat tilshisi.

Bul oqıǵa Jalaǵash aýdanyna qarasty Jańatalap aýylynda boldy.

«Oqys oqıǵa týraly habarlama oblystyq dıspetcherlik jedel basqarý basqarmasyna kelip tústi. 2019 jylǵy qyz bala aýyl ishindegi aryqtaǵy sýǵa qulap, qaza boldy. Ony ata-anasy qaraýsyz qaldyrǵan. Balanyń máıitin sýdan jergilikti turǵyndar shyǵarǵan», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Óńirde jyl basynan beri 8 adam sýǵa ketken. Olardyń 4-eýi bala bolsa, qalǵany - eresek azamattar.

Budan buryn Qyzylordada kanalǵa sýǵa batyp ketken balanyń máıiti tabylǵan edi.