Qyzylordada bir top adam túrǵyn úı aýlasynda tóbelesip, bir-birine oq atqan

ASTANA. QazAqparat - Qyzylordalyq polıtseıler izin sýytpaı buzaqylyq jasaǵan kúdiktilerdi quryqtady. Olar úı aýlasynda tóbelesip, bir-birine oq atqan, dep habarlaıdy polisia.kz.

13 mamyr kúni tańǵy saǵat 7 shamasynda PB-ǵa kópqabatty úı aýlasynda belgisiz azamattar qarý qoldanyp, tóbelesip jatqandyǵy týraly habarlama túsken.

Jaldamaly páterde birneshe tanys azamat bir-birimen sózge kelip qalyp, keıin pyshaq jáne travmatıkalyq qarý qoldanyp, janjaldasyp, barlyǵy oqıǵa ornynan boı tasalaǵany belgili boldy.

Eki kúdikti qala aýmaǵynda ustalsa, taǵy ekeýi avtokólikpen Samara-Shymkent tas jolynda quryqtaldy.

Qalǵan kúdiktilerdi anyqtaý jumystary júrip jatyr. Ustalǵandar Shymkent qalasynyń jáne Mańǵystaý oblysynyń turǵyndary bolyp shyqty.

Oqıǵa ornynan jáne avtokólikten aıǵaqty zattar alyndy. Eki adamǵa medıtsınalyq kómek kórsetildi.

QR QK-niń 293-baby 3-bóliginiń 2-tarmaǵymen sotqa deıingi tergep-tekserý áreketteri júrip jatyr. Saraptamalar taǵaıyndaldy. Oqıǵanyń mán-jaıy anyqtalyp jatyr.