Qyzylordada bir otbasynyń 3 múshesinen koronavırýs anyqtaldy
Sońǵy derek boıynsha Qyzylorda oblysynda koronavırýs ınfektsııasyn juqtyrǵan 8 adam tirkeldi . Olardyń 7-i Qyzylorda qalasynyń turǵyny bolsa, 1-i Aral aýdanynda turady. Naýqastar 2004, 2007 jyly dúnıege kelgen er, 1946, 1970, 1971, 1976, 1983, 1992 jylǵy áıel adamdar.
«Vırýs juqtyrǵan turǵyndardyń úsheýi - bir otbasy múshesi. Olar Qyzylorda qalasynda turady. 6 naýqastan PTR analızderi vırýsty juqtyrǵan adammen qarym-qatynasta bolýyna baılanysty synama alynǵan. Qalǵan 2 adamnan QR Bas memlekettik sanıtarııalyq dárigeriniń Qaýlysyna sáıkes skrınıngteý kezinde oń nátıje kórsetti.
Qazirgi tańda patsıentter aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda mamandar indetke qarsy is-sharalar uıymdastyryp, qarym-qatynasta bolǵandar anyqtalýda», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz qyzmeti.
Qazir Qyzylorda oblysynda koronavırýs ınfektsııasyn juqtyrǵan 297 adam tirkelgen. Onyń ishinde 228-i syrqatynan jazylyp shyqty .