Qyzylordada bir otbasynyń 3 adamy tútinge ýlanyp qaldy
QYZYLORDA. QazAqparat - Qyzylorda oblysy Shıeli aýdanynda bir úıde úsh adam tútinge ýlanyp qaldy, dep habarlaıdy QazAqparat tilshisi.
Oqıǵa 11 aqpanda saǵat 20.55 shamasynda boldy. Aýdan ortalyǵyndaǵy Kárimbaev kóshesinde jeke úıde turatyn otbasy músheleri qatty otynmen jylytý peshin paıdalaný erejesin saqtamaǵan. Saldarynan otbasyndaǵy úsh adam tútinge ýlanyp qalǵan. 1973 jylǵy azamatsha men 2000 jylǵy azamattyń jaǵdaıy aýyr dep baǵalandy. Al 17 jastaǵy jasóspirim qyzdyń jaǵdaıy alańdatarlyq emes.
«Oqıǵa ornyna tótenshe jaǵdaılar departamentinen 1 tehnıka men 2 maman bardy. Sondaı-aq, jedel járdem brıgadasynan 3 maman 1 tehnıka keldi. Tútinge ýlanyp qalǵan naýqastar aýdandyq aýrýhanaǵa jatqyzyldy», - dep málim etti oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen.
Esterińizge sala ketelik, budan buryn Qyzylordada ıesiz turǵan «Mercedes» avtokóligi túgi qalmaı janyp ketti.
