Qyzylordada bir otbasynan 6 adam kómirqyshqyl gazyna ýlanyp qaldy
QYZYLORDA. QazAqparat - Qyzylorda oblysy Jańaqorǵan aýdanyna qarasty Qojakent aýylynda turatyn bir otbasynyń alty múshesi kómirqyshqyl gazyna ýlanyp qaldy, dep habarlaıdy QazAqparat tilshisi.
Oqys oqıǵa saldarynan olar aýdandyq aýrýhanaǵa tústi. Qajetti em alǵannan keıin olardyń densaýlyǵy qalpyna keldi.
Oqıǵa barysy bylaısha órbigen. Turǵyn úı peshiniń murjasy tartpaı qalǵan. Sonyń saldarynan tútin úıdiń ishine jaıylǵan. Úı ıesi terezelerdi ashyp jeldetip, bólme ishin tútinnen tazartady. Degenmen kómirqyshqyl gazynyń ıisi qalyp qoıady. Ony tań atqannan keıin tazartýǵa sheshim qabyldaıdy. Ol otbasy músheleriniń kómirqyshqyl gazynan ýlanyp qalýyna sebep bolǵan.
«Mundaı jaǵdaı jıi kezdesip jatady. Sondyqtan turǵyndarǵa ómirlerine nemquraılyqpen qaramaýyn suraımyz», - dedi Qyzylorda oblysynyń tótenshe jaǵdaılar departamenti memlekettik til jáne aqparat tobynyń bas mamany Aıgúl Nurmanova.
Esterińizge sala ketelik, budan buryn Qyzylordada ıis tıip ýlanǵan úsh bala kóz jumǵanyn habarlaǵan edik.
