Qyzylordada bir otbasydan 4 adam koronavırýs juqtyrdy
Búgin Qyzylorda oblysynda qaterli dertti juqtyrýdyń 7 jaǵdaıy tirkeldi. Olardyń 5-eýi Qyzylorda qalasynda turatyn bolsa, qalǵan ekeýi Qarmaqshy jáne Jalaǵash aýdandarynyń turǵyndary bolyp otyr.
«PTR taldaýlary 2 adamnan somatıkalyq aýrýlar boıynsha aýrýhanaǵa jatar aldyndaǵy tekserý kezinde alynǵan. Al 4 adamnan koronavırýs ınfektsııasyn juqtyrǵan naýqastarmen jaqyn qarym-qatynasta bolǵandyǵy sebepti alynǵan, Taǵy 1 adam profılaktıkalyq maqsatta ózdiginen aqyly negizde analız tapsyrǵan. Taldaý nátıjeleri koronavırýs ınfektsııasyna oń nátıje kórsetti. 1 adamnan koronavırýstyń belgisi baıqalsa, 6 jaǵdaı klınıkalyq belgisinsiz tirkelip otyr. Naýqastarmen baılanysta bolǵan adamdardyń barlyǵy medıtsınalyq baqylaýǵa alyndy. Profılaktıkalyq jáne epıdemııaǵa qarsy sharalar júrgizilýde», - dep málim etti Qyzylorda oblysynyń sanıtarııalyq-epıdemıologııalyq baqylaý departamenti.
Vedomstvo ókilderiniń habarlaýynsha, naýqastardyń arasyndaǵy jasy eń úlkeni 74 jastaǵy adam bolsa, eń kishisi qashyqtyqta oqıtyn bala. Olardyń ishinde 4-i bir otbasynda turady.
Qyzylorda oblysynda qazirge deıin koronavırýs ınfektsııasyn juqtyrǵan 3321 adam tirkelgen. Onyń ishinde 3276 adam jazylyp shyqty.
Condaı-aq, Qyzylordada budan buryn on kúnde úsh oqýshy koronavırýs juqtyrǵan bolatyn.