Qyzylordada bir kúnde úsh órt oqıǵasy boldy
QYZYLORDA. QazAqparat - Qyzylorda oblysynda bir kúnde úsh órt oqıǵasy boldy, dep habarlaıdy QazAqparat tilshisi.
Alǵashqy oqıǵa Jalaǵash aýdanyna qarasty Mádenıet aýylynda 15 tamyzda saǵat 09.35 shamasynda tirkeldi. Turǵyn úı aýlasynda 200 baý saban shóbi janyp ketti. Órtti Erikti órtke qarsy qurylymynan 6 adam 1 tehnıka kúshimen sóndirdi.
Osyǵan uqsas oqıǵa sol kúni 13.00 shamasynda Jańaqorǵan aýdanyna qarasty Qosúıeńki aýylynda bolǵan. Jalpy aýdany mal qoranyń janýy saldarynan 300 press qamys shóbi órtke orandy. Órt 15.08-de tolyǵymen sóndirildi.
«Sol kúni Qyzylorda qalasyndaǵy jańadan salynyp jatqan shyny zaýytynyń aýmaǵynda ashanaǵa arnalǵan temir konteıneri tolyǵymen jandy. Órt oshaǵynan syıymdylǵy 50 jáne 27 lıtrly 2 gaz ballondary shyǵaryldy. Órt 15-13 oqshaýlanyp, 15-21 tolyq joıyldy. Barlyq oqıǵa boıynsha qaza bolǵandar men zardap shekkender joq. Turǵyndardan saqtyq sharalaryna nazar aýdarýyn suraımyz», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada munaı jáne gaz qaldyǵynyń janýynan úsh adamdy kúıik shaldy.
