Qyzylordada bir kúnde 70 adamǵa koronavırýs vaktsınasy salyndy
Esterińizge sala ketelik, búgin óńirde qaterli indetke qarsy egý jumystary bastaldy. Alǵashqy kezekte oblys ákimi, oblys ákiminiń orynbasarlary, apparat basshysy, densaýlyq saqtaý basqarmasynyń basshysy jáne medıtsına qyzmetkerleri saldyrdy.
Tańerteńnen beri ony 70-ten astam adam qabyldady.
«Men búgin erikti túrde ózime ekpe ektirdim. Vaktsına saldyrǵannan beri jeti saǵat ótti, keri áser bergen joq. Sol sebepti barsha halyqty koronavırýstan qorǵaný úshin ekpe saldyrýǵa shaqyramyn. Álemdi jaılaǵan indettiń taralý qaýpin tek ekpe saldyrý arqyly ǵana tómendete alamyz», - deıdi oblystyq densaýlyq saqtaý basqarmasynyń basshysy Sábıt Pazılov.
Búginde óńirge «Spýtnık V» reseılik vaktsınasynyń 1000 dozasy jetkizilgen. Qalǵany kezeń-kezeńimen keledi.
«Vaktsına erikti túrde júrgiziledi. Ony saldyrmas buryn adam tolyqtaı dárigerdiń qaraýynan ótýi kerek. Anamnezi jaqsy bolǵan jaǵdaıda baryp, qabyldaı alady. Sondaı-aq, vaktsınany koronavırýs ınfektsııasymen aýyrǵan kisiler alty aıdan keıin saldyra alady», - dedi oblystyń bas memlekettik sanıtarııa dárigeri Dınara Jańabergenova.
Aıta keteıik, oblys boıynsha 14 egý kabıneti men 46 jyljymaly ekpe brıgadasy iske qosyldy.