Qyzylordada bir kún buryn joǵalyp ketken áıel tabyldy

QYZYLORDA. QazAqparat - Qyzylordada bir kún buryn habarsyz ketken 41 jastaǵy áıel tabyldy, dep habarlaıdy QazAqparat tilshisi.

Qyzylorda qalasy polıtsııa basqarmasynyń jedel 102 arnasyna 21 aqpanda jergilikti turǵyn qaryndasynyń belgisiz baǵytqa shyǵyp ketip, qaıta oralmaǵany jóninde aryzdanǵan edi.

​«Qyzylorda qalasy polıtsııa basqarmasynyń krımınaldy polıtsııa bóliminiń qyzmetkerleri atalǵan habarlama negizinde izdestirý júrgizdi. Barlyq kósheler, aýlalar muqııat zerdelenip, jergilikti turǵyndardan suraý júrgizildi. Jedel- izdestirý jumysynyń nátıjesinde joǵalǵan 41 jastaǵy azamatsha qala kósheleriniń birinen aman-esen tabyldy», - dep málim etti Qyzylorda oblystyq polıtsııa departamentinen.