Qyzylordada bir bala sýǵa ketip, bireýi qutqaryldy

QYZYLORDA. QazAqparat - Qyzylorda oblysy Jańaqorǵan aýdanynda 7 jasar bala sýǵa ketti, dep habarlaıdy QazAqparat tilshisi.

Bul oqıǵa 24 shilde kúni keshki saǵat 20.50 shamasynda oryn alǵan. Jergilikti turǵyndar kúshimen onyń jansyz denesi saǵat 21.20 shamasynda qutqaryldy. Jasóspirim sýǵa túsýge arnalmaǵan jerde sýǵa túsken.

Sondaı-aq, turǵyndar kúshimen sol mańnan 2008 jyly dúnıege kelgen jasóspirim qutqaryldy. Ol aýdandyq aýrýhanaǵa jatqyzyldy. Jaǵdaıy ortasha qalypty deńgeıde.

Oblystyq tótenshe jaǵdaılar salasynyń mamandary ata-analarǵa balalardy baqylaýsyz qaldyrmaý qajettigin aıtady.

Jyl basynan beri toǵyz bala osyndaı tótenshe jaǵdaıdan qaıtys boldy. Jalpy, bıyl Qyzylorda oblysynda jyl basynan beri 23 adam sýǵa ketti. Onyń ishinde 10-y - bala.