Qyzylordada bir aýlada turǵan úsh kólik órtendi

QYZYLORDA. QazAqparat - Qyzylorda qalasynda bir aýlada turǵan úsh kólik órtendi, dep habarlaıdy QazAqparat tilshisi.

Oqıǵa oblys ortalyǵynyń «Araı» shaǵynaýdanyndaǵy turǵyn úıdiń aýlasynda boldy. Aldymen «Daewoo Nexia» jeńil avtokóligi tolyǵymen janǵan. Sodan keıin jalyn «MG3 Xross» avtokóligi men «VAZ-21099-dy sharpyǵan.

«Órtti sóndirýge Qyzylorda oblystyq tótenshe jaǵdaılar departamentine qarasty mekemelerden 10 qyzmetker 3 tehnıka jumyldyryldy. Sondaı-aq, oqıǵa ornyna jol polıtsııasy, jedel járdem qyzmeti mamandary keldi. Órt tolyǵymen joıyldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Buǵan deıin Qyzylorda oblysynda janarmaı saqtaıtyn qoıma órtengendigi habarlanǵan bolatyn.