Qyzylordada bir adamdy birneshe márte aldap aqsha alǵan alaıaq sottaldy
Shıeli aýdanynda turatyn ol budan buryn iri mólsherde urlyq qylmysyn jasaǵan. Sot úkimimen oǵan baılanysty azamattyń 4 jyl 2 aıǵa bas bostandyǵy shektelgen bolatyn. Bul jazadan tıisti qorytyndy jasamaǵan ol endi alaıaqtyq qylmysy boıynsha sot aldyna keldi.
Bıylǵy jyldyń qańtar aıynda ol ǵalamtordaǵy jarnamalyq saıttardyń birine páterdi jalǵa beretini jóninde habarlandyrý jarııalaıdy. Sol boıynsha qońyraý shalǵan azamatshamen kezdesedi. Odan 30 myń teńgeni aldap alyp ketken. Kelesi kúni jábirlenýshi oǵan jalǵa alatyn úıin baryp kóretinin aıtady.
Oǵan 12 jylǵa 55 myń teńgeden tólep turatyn ıpotekaǵa úı alyp bere alatynyn aıtady. Budan keıin úı alý úshin kezekke tirkeý úshin taǵy 50 myń teńge suraıdy. Odan keıin óziniń úsh bólmeli úıin 2 mln 500 myń teńgege satatynyn jetkizedi. Páteriniń kepildikte turǵanyn aıtyp, ol úshin 1 mln teńge qajet ekenin jetkizedi. Alaıaqtyq áreketin ol budan keıin de jalǵastyryp, jábirlenýshiden taǵy 100 myń teńgeni qaltaǵa basady. Kelesi kezekte oblys ortalyǵyndaǵy páterdiń birin satyp alatynyn aıtyp, onyń qojaıynyna páterdiń aldyn ala aqysy retinde 60 myń teńge beredi. Sol páterge jábirlenýshini kóshirip, odan taǵy 400 myń teńgeni qoldy etedi. Osylaısha ol jábirlenýshige jalpy alǵanda 1 mln 580 myń teńge múliktiń shyǵyn keltirdi.
«Qyzylorda qalasynyń №2 sotynyń úkimimen ol QR Qylmystyq Kodeksiniń 190-baby 1-bóligimen kináli dep tanyldy. Alaıaqtyq jasaǵan azamatsha 3 jyl 6 aıǵa bas bostandyǵynan aıyrý jazasy taǵaıyndaldy. Oǵan burynǵy úkim boıynsha taǵaıyndalǵan jazanyń ótelmegen bóligi ishinara qosyldy. túpkilikti 3 jyl 6 aıǵa bas bostandyǵynan aıyrýǵa sottaldy. Sot úkimimen odan jábirlenýshiniń paıdasyna 1 mln. 540 myń teńge materıaldyq zııan óndirildi», - dedi Qyzylorda oblysy prokýrorynyń aǵa kómekshisi Saıa Temirbekova.