Qyzylordada bı festıvali ótti
«Bı nury» atty festıvalǵa etnomádenı birlestikterdiń, orta bilim berý uıymdarynyń horeografııalyq ujymdary, qalalyq balalar jáne jasóspirimder bı ansamblderi, barlyǵy 16 ujym qatysty.
Festıvaldiń maqsaty jastardyń boıynda shyǵarmashylyqqa degen talpynysty arttyrý, horeografııa óneriniń keń aýqymda damýyna atsalysý, óskeleń urpaqqa elimizdiń basty baılyǵy - Qazaqstan halqynyń dostyǵy men birligin dáripteý. Sondaı-aq bı óneri arqyly etnosaralyq toleranttylyq jáne qoǵamdyq kelisimniń qazaqstandyq úlgisin nasıhattaý bolyp tabylady.
Shara eki kezeńnen turdy. Halyq bıi jáne erkin taqyryptaǵy bı qoıylymy. Oǵan 9-13 jáne 14-18 jas aralyǵyndaǵy balalar qatysty. Qazylar alqasy bı ujymdaryn oryndaýshylyq sheberlikteri, shyǵarmalarynyń kompozıtsııalyq qurylymy men sahnalyq qımyly, kıim úlgisi boıynsha baǵalady.
Nátıjesinde 9-13 jas aralyǵyndaǵy balalar arasynda bas júldeni «Balbulaq» halyqtyq bı ansambli, birinshi oryndy «Jasmın» tatar etnomádenı birlestigi, №140 orta mekteptiń «Aı-arý» bı toby jáne «Keremet» balalar teatry jeńip aldy.
Al 14-18 jas aralyǵyndaǵy balalar arasynda bas júldeni Nazarbaev Zııatkerlik mektep oqýshylarynan quralǵan «Samǵa» bı toby, birinshi oryndy «Reverans» jeke bı toby men Nazarbaev Zııatkerlik mektebiniń «Nur-bı» bı toby qanjyǵasyna baılady. Sonymen birge, ekinshi jáne úshinshi oryndar berildi.
Jeńimpazdar dıplomdarmen, alǵys hattarmen jáne baǵaly syılyqtarmen marapattaldy.
