Qyzylordada betperdesiz júrgen 25 adam jazaǵa tartyldy

QYZYLORDA. QazAqparat - Qyzylordada betperdesiz júrgen 25 adamǵa quqyqbuzýshylyqtar boıynsha ákimshilik hattamalar toltyryldy. Tıisti shara qoldaný úshin jınaqtalǵan qujattar sotqa joldandy, dep habarlaıdy QazAqparat tilshisi.

Esterińizge sala ketelik, 12 sáýir saǵat 00.00-den bastap Qyzylorda oblysynda turǵyndar men kólik qozǵalysyna qatań shekteý qoıyldy.

Oblys turǵyndary arasynda qaýipsizdik sharalaryn kúsheıtý maqsatynda sáýirdiń 12-ne qaraǵan túni saǵat 00:00-den bastap turǵyndar men kólik qozǵalysyna qatań shekteý qoıý týraly arnaıy qaýly qabyldandy.

«Degenmen ákimshilik quqyqbuzýshylyq jaǵdaıy oryn aldy. Nátıjesinde betperdesiz júrgen 25 adam anyqtaldy. Olarǵa tótenshe jaǵdaı rejıimin buzý áreketi boıynsha ákimshilik quqyqbuzýshylyq týraly kodekstiń 476-babymen hattama toltyryldy. Tıisti shara qoldaný úshin jınaqtalǵan qujattar sotqa joldandy. Atap aıtqanda, ol boıynsha Qyzylorda qalasynda 12 derek tirkelse, Aralda - 1, Qazalyda - 6, Shıelide - 6 oqıǵa kezdesti. Sondaı-aq, oblys turǵyndary arasynan qaýlyda kórsetilgen talaptardy oryndamaǵan kólik ıeleri bar. Máselen, 100 avtokólik ıesi kólikterdiń qozǵalysyna tyıym salynsa da sebepsiz kóshede júrgen. Nátıjesinde Qyzylordada - 61, Aralda - 1, Qazalyda - 12, Qarmaqshyda - 5, Jalaǵashta -2, Shıelide - 3, Jańaqorǵanda - 1, Baıqonyrda - 5 avtokólik aıyppul alańyna qoıyldy. Oblysta tótenshe jaǵdaı rejıimin buzǵan 99 dámhana ıesi men turǵyndar tıisti jazaǵa tartyldy», - dep málim etti Qyzylorda oblysy Polıtsııa departamentiniń baspasóz qyzmeti.

Qazir Qyzylorda oblysynda koronavırýs ınfektsııasy dıagnozy qoıylǵan 119 adam bar Qyzylorda oblysynda atalǵan dıagnoz qoıylǵan 119 naýqas bar.