Qyzylordada betonnan jasalǵan aryqqa úıelep qalǵan túıe qutqaryldy
QYZYLORDA. QazAqparat - Qyzylorda qalasynda tótenshe jaǵdaılar salasynyń mamandary betonnan jasalǵan sý aǵatyn aryqqa qulaǵan túıeni qutqardy, dep habarlaıdy QazAqparat tilshisi.
Atalǵan oqıǵa oblys ortalyǵynyń «Araı» shaǵyn aýdany tusyndaǵy Syrdarııa ózeniniń jaǵalaýyndaǵy joldyń boıynda betonnan jasalǵan aryqta boldy. Sol jerden ótpek bolǵan bir top túıeniń bireýi aryqqaúıelep qalǵan. Ózdiginen turyp ketýge shamasy kelmegen.
«Oqıǵa ornyna 7 qutqarýshy 2 tehnıkamen bardy. Mamandar qulap jatqan túıeni aryqtan shyǵaryp aldy», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý qyzmetiniń ókilderi.
Esterińizge sala ketelik, budan buryn Syrdarııa ózeniniń betinde qalqyp júrgen belgisiz adamnyń máıiti tabylǵanyn jazǵan edik.
