Qyzylordada besinshi synyp oqýshysy kanalǵa batyp ketti

QYZYLORDA. QazAqparat - Qyzylorda oblysy Syrdarııa aýdanynda besinshi synyp oqýshysy kanalǵa batyp ketti, dep habarlaıdy QazAqparat tilshisi.

Oqıǵa Syrdarııa aýdany Amangeldi aýylynda boldy.

« 5 synypta oqıtyn er bala Jetikól kanalyna batyp ketken. Aýyl turǵyndarynyń kómegimen balanyń denesi sýdan shyǵaryldy», - dep málim etti oblystyq Órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.

Eske sala ketsek, budan buryn Qyzylordada mal qora órtenip, 30 qozy janyp ketken edi.

Keleńsiz jaǵdaı N. Bekejanov aýylynda oryn aldy. Qabyrǵasy kesekten salynyp, tóbesi qańyltyrmen mal qora tolyǵymen otqa orandy.