Qyzylordada bes jastaǵy qyz bala koronavırýs juqtyrdy

QYZYLORDA. QazAqparat - Qyzylorda oblysynda bes jasar bala koronavırýs ınfektsııasyn juqtyrdy, dep habarlaıdy QazAqparat tilshisi.

Sońǵy táýlikte óńirde 7 adamnyń qaýipti indetti juqtyrǵany anyqtaldy. Olardyń barlyǵy Qyzylorda qalasynda turady.

«Bes jastaǵy qyz bala qaýipti indetti úı jaǵdaıyndaǵy qarym-qatynasta juqtyrǵany belgili boldy. Búgin 4 adam osyndaı jolmen atalǵan aýrýǵa shaldyqqan», - dedi Qyzylorda oblysy Sanıtarlyq-epıdemıologııalyq baqylaý departamentiniń baspasóz hatshysy Aıman Janahaeva.

Búgingi kúnge deıin oblysta 3425 adamnan koronavırýs naqtylanǵan. Onyń ishinde 1870-inde aýrý sımptomdary bar, qalǵany - sımptomsyz. Naýqastardyń arasynda 14 jasqa deıingi balalardyń sany - 213.