Qyzylordada bes jastaǵy balany qaǵyp óltirgen kólik júrgizýshisi sottaldy
QYZYLORDA. QazAqparat - Qyzylordada bes jastaǵy balany qaǵyp óltirgen kólik júrgizýshisi sottaldy boldy, dep habarlaıdy QazAqparat tilshisi.
Atalmysh oqıǵa bıylǵy jyldyń shilde aıynda Qyzylorda qalasyna qarasty Dosan aýylynda bolǵan. Keshkilik VMW-520 markaly avtokóliginiń ıesi joldy kesip ótpek bolǵan búldirshindi qaǵyp ótken. Jol-kólik oqıǵasy saldarynan búldirshin oblystyq balalar aýrýhanasynyń jansaqtaý bólimshesinde esin jımaǵan kúıi qaıtys bolǵan.
«Osy oqıǵa boıynsha QR Qylmystyq kodeksiniń 345-babynyń 3-bóligimen qylmystyq is tirkelip, tergep-tekserý amaldary júrgizilgen, is sotqa joldanǵan. Onda abaısyzda adam ólimine ákep soqqan is-áreketti jasaý jaǵdaıy kórsetilgen. Qylmystyq quqyqbuzýshylyǵy tolyǵymen dáleldendi. Kúdikti QR Qylmystyq kodeksiniń 345-babynyń 3-bóligimen kináli dep tanyldy. Qyzylorda qalasynyń №2 sotynyń úkimimen ol 5 jyl merzimge kólik quralyn júrgizý quqyǵynan aıyryla otyryp, 1 jyl 6 aı merzimge bas bostandyǵynan aıyrý jazasyna sottaldy», - dep málim etti Qyzylorda qalasy prokýratýrasynyń bólim prokýrory Qýanysh Nazar.
